الله يساعدو
(بالعامية)
- شفت شو عم يصير بطرابلس؟ شفت شو صار بعاصون بالضنية؟ الله لا يوفقهم شو عم يعملوا فينا..
- ايه شفت. الله لا يوفقهم لا دنيا ولا آخرة. بس اذا نحنا ما منوفّقهم كمان، بيكون تمام.
- ما فهمت.. شو دخلنا نحنا؟
- يعني اذا ما منساعدهم يتوفقوا فينا، منكون عم نساعدو لربنا طبعاً بشغلو..
- استغفر الله!
- ولشو هالإستغفار؟ بشو غلطنا يعني؟ إنو إنت مفكر هلق، انو ربنا مش بحاجة لمساعدتنا؟ مش عايزنا يعني؟ غلطان كتير. هالايام، هوي تحديدا، كتير بحاجة لمساعدتنا. مش شايف شو عم يعملوا فيه؟ ما ضلّ في قريع ما تعدّى عليه واستوطى حيطو... اذا خالد الضاهر وصحبه وسلم بعكار وبطرابلس فلتانين عليه. ما بيكون بحاجة لمساعدة؟
- ( مع تنهيدة) صحيح.. الله يساعدو.
- شفت شو عم يصير بطرابلس؟ شفت شو صار بعاصون بالضنية؟ الله لا يوفقهم شو عم يعملوا فينا..
- ايه شفت. الله لا يوفقهم لا دنيا ولا آخرة. بس اذا نحنا ما منوفّقهم كمان، بيكون تمام.
- ما فهمت.. شو دخلنا نحنا؟
- يعني اذا ما منساعدهم يتوفقوا فينا، منكون عم نساعدو لربنا طبعاً بشغلو..
- استغفر الله!
- ولشو هالإستغفار؟ بشو غلطنا يعني؟ إنو إنت مفكر هلق، انو ربنا مش بحاجة لمساعدتنا؟ مش عايزنا يعني؟ غلطان كتير. هالايام، هوي تحديدا، كتير بحاجة لمساعدتنا. مش شايف شو عم يعملوا فيه؟ ما ضلّ في قريع ما تعدّى عليه واستوطى حيطو... اذا خالد الضاهر وصحبه وسلم بعكار وبطرابلس فلتانين عليه. ما بيكون بحاجة لمساعدة؟
- ( مع تنهيدة) صحيح.. الله يساعدو.