نَحَــوي
زياد الرحباني
(نَحَوي) ورد في مقالة البارحة خطأ في التقسيم والعنونة، ومردُّه، تصادف غياب بعض الأشخاص المساهمين عادةً في إيصال المقالة إلى الطباعة ومنها إلى القارئ. وهو غياب بالطبع لدواعٍ شخصية إنما بطبيعة الحال طارئة وضرورية وخاصة في صحيفة خطها وطني حر لا تشوبه عادة أية شائبة... عادةً... أي أن البارحة كانت استثناءً من سيل مريع من الاستثناءات لكن/ (دارج) ما بيأثر (دارج وبيروتي) بما إنو المقالة مبارح كانت عن بيروت وتحديداً راس بيروت. والصحيح بخصوص مقالة مبارح كان على الشكل التالي:
العنوان: عبد الله بن عبد العزيز العيفان (*)
1 ــــ بين «بربر» وثكنة «بربر خازن» والفجر (موضوع مستقلّ)
2 ــــ «عيوني هالعيون» (موضوع مستقلّ)
(نَحَوي) فاقتضى التصويب، وخاصّة أنّ المقال المعنون كَكُلّ: «عبد الله بن عبد العزيز العيفان» هُوَ موضوع الساعة، فقد بدأ البارحة وسيتبع غداً بإذنه تعالى.
■ أغنية للانتشار العسكري المزمن المتكرّر
(دارج)
بلا ملبّس بلا رزّ
وكل ما تعودوا تفوتوا
كل بيروت تفزّ
لا تفوتوا ولا تطلعوا
خلّيكن في بيروت
منّو الشَّعِب مَعْكُن
وصابر عم بيكِزْ
■ ■ ■
بلا ملبّس بلا رزّ
إنتو لْعَمْ بِتْمُوتوا
وهاي شغلة بِتْعِزّ
ما في لزوم تْمُوتوا
كل واحد هاي بيروتو
وطالما الشَّعِب مَعْكُن
مَعْكُن كل العزّ
ملاحظة: (نَحَوي) إذا أحبّت مديرية التوجيه التابعة لقيادة الجيش تلحين هذه الأنشودة العفوية، الرجاء منها أن تتّصل بي على جريدة «الأخبار» للقيام بالترتيبات الأمنية اللازمة لتسجيلها دون أي استنفار سنّي ــــ شيعي تابع لهذه الفتنة "الملعونة" التي حلّت بالطائفتين الكريمتين، وخاصةً أنّ للأغنية موّالاً في البداية عن القائد الواعد الجاهز العماد جان قهوجي.
ــ شكراً ــ
يعني بصراحة والله الزائر معو حق لأنو ملّينا من الانتظار
يعني معقول زياد كله وكل عقله ما عنده شي جديد
طيب ع القليلة رد ع إشاعات الخطبة إذا صحيحة أو لأ
نطرونا كتير كتير ع موقف دارينا
انشالله يكون ما بعد الشدة إلا الفرج
يعني بشرفي, حكم الأخبار حظ غير شكل, سؤال وجيه, كم بني ادم دخل ع هالصفحة من تاريخ 2 تموز لليوم؟, كلهن بدون استثناء عرفوا انو "ورد في مقالة البارحة خطا في التقسيم و العنونة" فرحانين أوي؟ مبسوطين كتير بهالخطأ لحتى رافضين تشيلو الاعتراف؟؟ والله فهمنا انكن ناس مسؤولين و بتحترموا القارئ, بس حاج ولو, و الله ملينا, زياد ببوس اجرك انت و حفلات الجاز تبعك, اكتبلك شغلة, فطسنا, كل ما منفتح هالصفحة بتطلعلنا "ورد في مقال البارحة خطأ" حاج, فهمناو الله فهمنا
شو ما عم تفهم من كلمة اشتقنالك؟؟؟؟باشرحلك اياها, والله باشرحلك اياها, بالانكليزي وي ميس يو, بالفرنسي تو مو مانك, اشتقناااااااااااااااااااااااااااااااااالك, و اذا يعني عم تغني كل اسبوع ب بار, برافو, حلال عليك, بس استفقدنا بكلمة من يوم للتاني, اسبوع للتاني, شهر للتاني, و اذا ما فينا نروح نشوفك بهالمحلات, شو منعمل؟, ما العمل يا زياد ما العمل؟؟؟
انما ساكنوها هم اكثر درايتاً (دارين) من دراية من عارفين وحاضرين دايمن لاستقبال الوفود القادمة يومياً مع العلم انهم لم يغادرو فهم في مكان ما في الجسد (قلب ، عقل ، بنكرياس ، الخ)وللعلم ان عدد محلات بيع السكاكر وحقول الارز في تزايد مستمر نسبة للعدد الكبير القادم والمغادر الذي (التي ) ويجوز (it ) لغير العاقل سيمر مجبراً مرغماً من عنا "رافقتكم السلامة "
منشي سني سمعت انو زياد الرحباني ميكتب بجربدة الخبار بلشت تابع في شي فهمتو في شي مافهمتووكان عندي تعليقات بس مكنت ارس اي تعليق بس يلي خلاني اكتب ليوم ليسى كلام زياد بل كلام الشباب يلي ميعلكو على حديس زياد
في كل تعليق شي فرجي وكل واحد بيستخدم زياد متل ابدو 00
((طيب وبعدين وينك ليه ما عتكتب نحنى بحاجي الك))00
شو ميكون؟!!شو 000
او ميكون هيفا(بدنا لينك للمقابلة_يعني انو ازايقدر شوفك 5 دقائق معد بدي شي بعدا؟!00 (متكون بت فرفض بلح!!!)
ولا شباب(خالد بكاش )اسمو خلد بكداش ازا اسمو ما بتعرففو تكتبوه,روحوا تضامنوا مع بعضكون بعدين تضامنوامع زياد ومعلش بلا تضامن عند تضامن صور00
لا لا هي احلا شي احكي عن لغلا برمضان شي بيدل على انو بيسمع زياد كتير منيح اي زيا كل رمضان مو معترف عليه بدك يكتب عن لغلا ليك وين بعدوا
تعليق ديمقرلطي (ياريت كل الدنيا تسكت 000وبس انت تحكي)
مع حترامي 00 البتعرف زياد وللابتسمع زياد سماع زياد من جديد و((فهمو شو عميحكي))بعدين علق ازا فبك0000000000000
انا اسف زياد بتمنا تكون فهمت شوبدي
بالبداية أطلب من السيد عزام أن يقوم بدورة محو أمية لأن بعض الكلمات لاتكتب هكذا(سني..ميكتب.. ليسى..حديس..الخ)وكثير من الكلمات
لانمانع بالكلمات العامية ولكن المفهومة منها
ثانياً الرفيق خالد بكداش له احترامه بغض النظر عن موقفنا السياسي منه واسمه خالد وليس خلد بكداش يا محترم....
ولكم جزيل الشكر
يا راجل والله اشتقنالك....عم بسمع فلم امريكي طويل وابتسم...الله لا يحرمنا منك يا رائع...
جريدة الأخبار..
التعليق له صلة -ولو خفيت عن البعض- بالمقال، وليس ما به شتيمة، وكما يقول مشايخنا: ناقل الكفر ليس بكافر
وحتى إذا لم تنشروه فأرجو وصوله إلى زياد..مع الشكر والمحبة
زياد!
(بالدارج)
هالدني كِـلا دوايرْ
والدواير
بْـتحْتويها دايري كبيري
كبيري..وْدايري
جوّا الدواير كِنتْ
أوْ
برّا الدواير إنْــتْ
جـــوّا الدايري
على فكرة
1- أنا نحوي إذا غاب نحويو الأخبار
2- هل يحق لي أن أكرر جملة قلتها أنت منذ زمن: يا عيب الشؤم عليكن ياللي بتروحوا عالشام
مرحبا زياد,
من كام سنة حكيت إنك حابب تألف كتاب
تسهل فيه موضوع الماركسية
بقى مابعرف طلع هالكتاب ومالي خبر
أو مافضيت لهلق تنهيه؟؟
اشتقنالك,,
سلام
يعني آخذين بعين الاعتبار طبيعة قناة المنار و ثوابتها واعتباراتها - غير انه الدنيا رمضان كمان - بصراحة مشكورين والحق يقال كان صدرهم رحب ..وسمحوا لزياد بما لايسمح عادة لأحد عندهم به.. يعني قليل زياد ولسانه (قال يعني انضبط) ؟
لذا نرجوا منهم بعد الشكر و ببساطة: الإعادة..
نشكر قناة المنار على عرض مقابلة زياد لكن نتمنى ان تعرض مرة اخرى كاملة دون تقطيع وفي وقت مناسب.
يا شباب...
إلكن ولا للديب؟
إذا حدا منكن عندو لينك لمقابلة زياد عالنت...
بس بلا هيدا فايس بوك مدري إيش...
شكرا....جدا...جزيلا...
زياد الرحباني
يعني أنو إذا بقدر شوفك 5 دقايق
أنا معد بدي شي بعدا ..؟ هلأ بعرف قدي في عالم حابي تشوفك
ما هي المشكلة ...؟
أنا حابب شوفك طيب و البقية أنو عشوي حابب كون أناني هل مرة ياريت ولله
وبالمناسبة يلي بقول أنو زياد الرحباني مانو سياسي يحضر مقابلة مبارح ..؟ بلا صغرى يعني ...؟
في كل مقال أو لقاء سواء كان على التلفزيون أو في أي من حفلاتك أشعر بالقلق تجاه ما سوف أقرأ أو أسمع. هناك إحساس دائم بالقلق تجاه آرائك هل لا تزال كما أنت؟ أم كما أنت و لكن سابق عصرك علطول؟ شكراً لأنك لم تخذل من أصبح بحاجة لأن يجد شخصاً علمانياً حقيقياً(مش كذبة) يستطيع الاستماع إليه(ربما أنت الأخير). مقابلتك على تلفزيون المنار كانت رائعة.
نحن في اتحاد الشبيبة الشوعية في سورية نتضامن مع الرفيق زياد في طريق تحرير الانسان والدفاع عن الوطن وعن لقمة الشعب
يعني بالمناسبة معقول زياد شو ظريف؟
قنبلة الموسم لمن لم يسمع بعد من محبي زياد: زياد في مقابلة خاصة على المنار الأحد 9:30 !! لا أعتقد أنني سأتفاجأ بما سيقوله ابداً ولكن أنتظر بشوق لأتعلم بعض منه بعض أساليب المواجهة، وفي دمشق المواجهة الأصعب حقاً أمام اليسار (الحضاري) ممن يتنكرون للأولوية الوطنية الأولى الآن:المقاومة، تحت ذريعة "التشادور" وإلهية البندقية و الملل من الأصوليات بأنواعهاالخ..يعني لو مسموح المجاهرة بالطائفية في سوريا لسهل الأمر على الكثيرين وعلينا أيضاً؟
التوقيت ضربة معلم فعلاً بس نشالله المحاور يكون(خرج).
أفلام زياد تبعث الحياة فينا بين وقت وآخر..شكراً ياحلو
في أخبار عم بتقول إنو زياد رح يطل يوم الأحد الساعة تمانة ونص على جمهوره عبر قناة المنار
أنو مشان الله, شو يعني تحية؟؟؟!!!
ما هو كل مرة بيعزف شي لجوزيف بيكون عم يحيي جوزيف, أنو وقفت على قولة كلمة "تحية" يعني؟؟؟ ما ما في أكتر من التحيات, وحدة بتحيي يلي عملها شعرا, ووحدة بتحيي يلي عملا فسطانا, يا ابني أو بنتي, التحية هي يا للمش معروفين, أو للمنسيين, و جوزيف ما بينتسى...
و إذا جوزيف, مطرح ما هو, بدو يسمع زياد عم يقول "هي تحية لجوزيف صقر" و ينبسط, رح يقدر يسمع الناس شو عم تقول بقلبا كل ما تغنت غنية إلو...ما حدا نسي جوزيف, و لا رح حدا ينساه...حاج بقا, طلعونا من هالحركات, أنو شو يابا "تحية"...
ما بعرف اذا قصدك ترد على كلامي بس للتوضيح فقط انا ما طلب انو زياد يقول تحية لجوزيف... انا معك بتعليقك انا قصدت انو العمل في تحية لجوزيف وفي طرب وفي جاز... الخ
فا اقضى التوضيح... نحنا متفقين انو افضل تحية هي بلموسيقى مش بلكليشايت... شكرا
والله يا أخ موسى أنا ما باقصدك شخصيا, إلا أنه كثرت في الاونة الأخيرة هذه الدعوات للتحيات, و باعتذر اذا بينت عم رد عليك, و أنا متأكد أنك بتوافقني الرأي أنو أحلى تحيات, "تحيات" زياد, عرفتها؟
اولا ما عم رد ع حدا شخصيا بس كل واحد يحكي باسمو مش باسم الشباب
ثانيا انا بدي تحكي باسمي مع انو مش ضروري كون او انت تكون مبهدل ...
ثالثا وهيدا مفروض يكون اولا اذا ما بدك تكتب او تحكي دخيل الله تكون عم تشتغل على سي دي منيحة...
في تحية للكبير جوزيف صقر... في طرب... في جاز... في كل شي... في نحنا... في زياد...
بترجك...
حلو، بس مابعرف عن شو عم تتخانقو. لقيت هيدا لشي عل انترنت مهضوم ذكرني بزياد.
http://bisara7a.com/article-detail.php?aid=3941
كارلوس
تريد اقناعنا انك معدم لدرجة انه لا يحق حتى لزياد الرحباني التكلم باسمك .... مش لهالدرجة انت معدم .... بدليل عندك كومبيوتر , واشتراك انترنت ...او باقل تعديل معك فلوس كي تدخل على "كافيي نت" كي تقرأ الجريدة وتسجل رد . يعني يمكن زياد يكون أفقر منك .... فبلا مزايدة يا اخ يا معدم ...
عمو زيادما في متلك صدقني انت قدوة ومثل اعلى و(الله) بالنسبة لكتير شباب..المهم انت حكيت كتير عن الطبقة المحرومة المعترة عن الشباب المثقف اللي ضايع بغبرة الاحداث اللي عم يدور عن شغلات كتير بتبدا بالحرية وما بتخلص بلقمةالاكل بس انا وباسم شباب كتير باسمح لنفسي اطلب منك ما عاد تحكي باسمنا ليش؟لعدة اسباب منها:اولا اسمك زياد الرحباني واسمي واسم الشباب شوما كان يكون ما بيهم...ثانيا ما فيي اتخيل انك جعت بيوم من الايام او انك شعرت بالبرد (لا اراديا)ثانيا كل عمرك كنت معروف حتى بالمدرسة ما بظن كنت الطالب الشاطر الوحيد المغمور (لانو امك مو معلمة ولا اهلك مشهورين)ثالثا بدك تقنعني انك لبست تياب هريانة او ما كان معك اجرة الطريق او سعر المحاضرات بشي يوم؟رابعا بشرفك ولو.. صعب عيك تلاقي شغلاو مصاري؟ ...بتعرف عمو ما عاد رح احكي شي مع انو في شغلات كتير لسل بتنقال بس اتعبت ما عاد بدي اتذكربشو مريت ولا بدي اتخيل شو ممكن لسا يمر رجاء خاص...ما عاد تتاجر باسمنا
أكيد زياد ما عم بيحكي بأسمك، هو اصلا ما سمعان فيك، ممكن زياد حكى عنك أو حكى عن شعب مفكر حالوا عنيد وبيوقع واقف كيف ما زتيتو، لما كان زياد محاصر إنت وين كنت، لما حضر كل الحروب إللي مرت على لبنان إنتي وأمثالك وين كنت، لما عاش بلا مي وبلا كهربا، وولما ولما .....
ممكن إنت وضعك تعبان هاي ما مشكلة زياد هاي مشكلتك أو مشكلة عيلتك، زياد الف كتاب لما كان عمروا 11 سنة وكان ما عم بحكي بأسمك كان عم بيحكي بأسم حدا أكبر منك بكتير، ممكن وضعك تعبان لأنوا لما كان عمرك 11 سنة كانت إمك عم تحبل وتجيب ولاد بس إم زياد كانت عم تبدع وتشر فن محترم، وكان ابو زياد عم يشتغل من كل قلبوا مشان إنتا وغيرك تفيقوا الصبح وتسمعوا اغاني فيروز...
خلي فلسفتك بينك وبيك اصحابك،... وعلى فكرة يقبر صحابك.
يا عمّو أكيد الاستاذ زيّاد مش فاضي يجاوب كل شخص, بس بأكّدلك لو فاضي كان قال لك: أوّلا مبيّن عليك إنّك ولد مظبوط مش عكلمة عمّو بس عحديثك البلا طعمة! واضح انّو ما معك خبر بشي و أنا مش عارف كيف ما شالوا هالتعليق. مش كل مين صار عمره فوق ال18 صار رجّال ولا كلّ مين سمع شي عمل للأستاذ زيّاد بيعمل حالو فيلسوف عصّرووو و بيعطي رأيه فيه و كأنّه رفيقه و عايش معو كمان! كلّه من ورا هيك ناس متل أفضالك عباقرة بطّل النا مطرح والمسرح قتلتوا!!!
هجوم النهار على زياد الرحباني برايي له سببان :اولا لانه لا يكتب فيها والخلاف السياسي بينهما .ثانيا هو الغيرة مكن ةعبقرية زياد الموسيقية التي لا يستطيع اي احد من الموسيقيين الاخرين الذين يحاولون الترويج لهم ان يدنو منها
لاولووووووووو!
زياد طيب هنينا برمضان وبعدين غيب
بس ما تقطعنا هيك فرد مرة ,,
إحكي عن الغلا برمضان,, إحكي عن هالمسلسلات والمسابقات اللي بتنحشا برمضان
إحكي عن هالسياسيين اللي ياريت يصومو عن الأكل والشرب والمشاكل برمضان ,,
رمضان كريم
:(
زياد زياد زياد, وينك وينك وينك؟؟؟؟؟؟
حاج بقا طولت كتير يا زلمة, أخدت وش و كترت!!!
شو ناطر تتشكل الحكومة لتحكي شي كلمة؟ طيب احكي عن حيالله شي, شو ما عنا غير الحكومة؟ بتتعطل أشغالنا يعني؟ في مية شغلة تحكي عنا, مثلا الرز, أو الملح أو شو بيعغفني...
بترجاكون اذا بتريدو بدي رقم زياد الرحباني او الايميل بليز عن جد حلمي احكي مع الرائع زياد اذابتريدو زياد اذا قريت التعليق بترجاك ابعتلي على ايميلي رقمك او الايميل تبعك بليزززززززززز
عندما ننتقد اي عمل هذا يعني اننا شاهدنا, سمعنا, فهمنا, فنتقدنا, وانا اعتقد ان زياد يحب ان يسمع اراء محبه وخاصة الراي الذي يحاول ان يصوب او يضيء على الخطء.
نحن لسنا بمعرض مزايدة على من يحب زياد اكثر, جميعونا نحب هذا الفنان والسياسي المميز, انما علينا ان نوصل صوتنا لنصوب ولنساعد على المحافظة على مستوى اعمال زياد.
لا القصة ليست قصة ( نق ) هي قصة ذوق, عندما عرض زياد مسرحيته ( شي فاشل ) شاهدتها 12 مرة. بينما خرجت عند انتهاء الفصل الاول من ( منيحة ) الغير منيحة.
فشوفوا شو بدكن تعملوا.
زياد
يا ريت كل الدني تسكت.. وبس إنت تحكي
أديش بيكلف إنتاج ألبوم فيروز لإبعتلك؟ عم إحكيك جد..
زياد منيحة انا حضرتها شو بدك بالبقية انا عم قللك كتير منيحة بس الناس هالايام صايرة نقاقة .
انا حضرت المقابلة الك مع بسام كوسا بالمناسبة كان كتير ملبك
اماسؤالي الك شو صار بألبوم الست فيروز ع اساس الامانة بدها تنتجه بس شو صار ما حدا قال شي كنت بدك تحكي عن هالقصة مع بسام قام قطشك و يمكن قطعوها بالمونتاج و يمكن رحتو لحديث تاني المهم شو صار و الحكي جد الله لا يعطيهم عافية اذا انسحبو من كلامن
اذا بتريد وضح مشان الله قول شي رح موت لأسمع السيدة فيروز....سلام
اتابع العبقري زياد منذ 35 سنة, منذ ذهبت الى مسرح الاورلي لمشاهدة مسرحية نزل السرور. شاهدت جميع اعماله, استمتعت بسماع جميع اعماله, كما اني لا ابالغ اذا قلت ان زياد هو اهم موسيقي في عالمنا هذا, لذا عندما انتقده على ( منيحة) التي اعتقد انها كانت ( كثير مش منيحة) بل (عاطلة)يكون هذا النقد بدافع المحبة. وانا متأكد بأن زياد يعلم بداخل نفسه هذا الكلام. انهي لاقول من يلحن اغنية ( زعلي طول انا وياك)واغنية(انا فزعانة تقوم عن جد تنساني) لا يرضى على نفسه ان يقدم عمل مثل(منيحة). زياد نحن منحبك بس سمعلنا.
فيه ناس قلبها بحجم كف اليد وفيه ناس بلا قلب ابدا وفيه ناس قلبهاقد حبة العدس لانه بيتاثر بس بالامور الخاصة فيها وحدها,اما انه يكون فيه حدا كله قلب يعني وجوده البشري المشخص مش ايدين وكبد وكلية ومعدةابدا ما فيه شي الا القلب هيدي هي حالة زياد الرحباني .الله يعين قلبه
لكن الشعب السوري بيفضل الحوار؟!!!!
يمكن لأن نحن....
أو أنا شخصياً، بيهمني زياد المفكّر أكتر من زياد الموسيقي...
على فكرة أبو الزوز... ما عندي مشكلة مثّل معك السنة الجاية إذا عايز ممثلين... (بفضّي حالي كرمالك;)
بعدنا طيبين أولو الله
يعني ما بقا عنا شي نعملوا غير إنو نسمع وترقب شو بدو يصير عا أساس إنو ناطرين بوكرا الأفضل والحلو شو هل الكذبة هاي
كل يوم منشتري الجريدة ومنفتح الويب سايت ومنقول إنو اليوم أكيد بكون كتب زياد منؤم ما منلأيك كاتب ومننتور بكورا ومنعد ساعات الليل تيطلع الفجر المشرق ببلد مشرق إسم الله علي لي عامل فينا هيك يا زياد
في أخبار إنو زياد الرحباني....
يحاوره الفنان بسام كوسا في لقاء اليوم الجمعة على الفضائية السورية...من الساعة 7إلى الساعة 8 مساء
إلى لاخوة في بيروت طمنونا شلون كانت منيحة زياد في بيروت شلون كانت الاسعار وكان فيها شي جديد عن حفلة الشام وصحيح خلصت البطاقات بالساعات الأولى من بدء البيع وصار في شي حفلة سادسة وكيف كانت أصداء الحفلة ؟
إلى لاخوة في بيروت طمنونا شلون كانت منيحة زياد في بيروت شلون كانت الاسعار وكان فيها شي جديد عن حفلة الشام وصحيح خلصت البطاقات بالساعات الأولى من بدء البيع وصار في شي حفلة سادسة وكيف كانت أصداء الحفلة ؟
كانت منيحة واكتر من منيحة بل تكاد ان تكون منيحة كتير, يا جماعة انا بدي اقترح شغلة ما بعرف بس زياد الرحباني لا يمكن ان يكرم و ما في اي منصب تكريم او اي كلمة رح بتساع التكريم الي بيراصنا لزياد الرحباني فبقترح شغلة منصب تكريمي رسمي او حياتي اسمو "زياد" يعني اذا بدك تكرم واحد واي شخص مبدع بنقلو زياد
وشكراً
وأنت زياد العبقري
أيها الزائد عن الآخرين بحسك العالي بالإنسان ومشاكله والوطن وقضاياه الكبرى..
يا الذي لا تزايد أبدا على حرية وطنك ولا تساوم أحدا قط من أجل توفير الحياة الكريمة للإنسان أو المواطن اللبناني..
ستظل رمزا للفنان الحر وصوتا مدوي الروعة للموسيقى والكتابة الإبداعية المولودة عن فكرة خلاقة لا تشبه إلاّها!
إن كل الذي قتله وسوف تقوله أو تنتجه لاحقا ما هو إلاّ، ولا أقصد تصنيفه أو حصره-لاسمح الله!- فعل إنساني راقي لا يبدعه إلا موهوب يمنح بلا حساب ويعطي دون انتظار أخذ شيء ومع ذلك تبقى محل نزاع دائم بين مؤيديك ومعجبيك وَمن لا يفطنون إلى الحكمة من كونك زياد ومش بس هيك!
ولاداع للتطرق إلى نوعية العقل الآخر المضادة للمنطق والصواب!
محبك علي حمود- جدة السعودية، شو؟!!