بيروت كانت عارفة بالإنفجارْمن قبل سِتّ سنين
جابولا الحطبْ
وتخيّلوا ..مشهد دمارْ
وصارت الساعة تلعب
تروح وتجي
أول سنة/تاني سنة/سادس سنة
واللي بإيدو الوقت
واللعبة سوى
ما بيتعب مْن الإنتظارْ
عَينو على بيروت
كيف بتفقع
وكيف المدينة اللي متِل
كل المدُنْ
وال ما بتشبَه هالمدُنْ
بتلفّ عا خصر المدى زنّار
زنّار نار...
فجأة إجا صوت القرارْ:
بيروت لازم تنمحي
وتغيب حتى ياخد المطرح حدا تاني
بيرفع رايتو ع الإنهيارْ
ويا بَهْجة الجيران ..جارْ
بينِك وبينو بعد يا بيروت
في مليون ثارْ
هيدا الحرَق بيروت
وشو همّني لو حققوا
مع أبريا..وتجارْ
وكبار حدّ زغارْ
هيدا الحَرَق بيروت
لا تتعَبوا
وبكرا تحطّوها
بْضَهر شي حمارْ ...

اشترك في «الأخبار» على يوتيوب هنا