العودة الى الاخباركالعادة، حين تصلني فاتورة التلفون الخليوي، توجهت الى فرع «او ام تي» الواقع في الطابق السفلي للمبنى الذي اعمل فيه. الموظفة المناوبة بدا لي انها وجه جديد.
-مرحبا بدي ادفع فاتورتي . «الفا» ورقمي كذا..
فتحت شاشة كومبيوترها واخذت تقرأ:
-ضحى علي شمس؟ بيروت؟
-نعم
-بدارو؟
-نعم
-جانب المستشفى العسكري؟
-نعم
-بناية تابيراما؟
-نعم
-الطابق التاني
-نعم
-مقابل شو؟
بدت الصبية التي لم يبق لها الحجاب مساحة للزينة الا وجهها الذي ازدحم بانواع الكحل والحمرة، بدت تنتظر مني اجابة لتكمل عملها.
-ما فهمت؟
-مقابل شو؟
-انو كل هالتفاصيل اللي اعطيتك اياها عن سكني بعد بدك مقابل شو؟
-مدام.. بدي عبي الاستمارة، وعنا في حقل «مقابل» ..لذلك عم اسألك: مقابل شو؟
-هلق بعرف انو في استمارة فيها المدينة والبلد والشارع ورقم البناية والبريد مثلا. بس بما انو الشوارع مش مرقمة، وصفنالك كل هالوصف. بس تقوليلي انو في استمارة بالعالم فيها بند اجباري بيسأل «مقابل شو؟»
-ايه..لازم نكون دقيقين. يعني شي شغلة معروفة..
-معروفة؟ أهه. يعني لا المستشفى العسكري معروف ولا شارع بدارو ولا بناية تابيراما. بس اللي بيوضح هوي «مقابل شو»؟
حاولت ان اضحك وان اشرك الصبية بالسخرية من هبل السؤال، ولكنها بدت مستاءة كأن الموضوع اصبح شخصيا بالنسبة لها.
فقلت لها:
- مصرة يعني
-ايه والا ما بتمشي الاستمارة وما فيكي تدفعي.
-اهه..طيب واذا ما في شي قبالي، انو مثلا بيتي ع البحر شو بتعملي؟
-...!!!
-او بورة مثلا..شو بتكتبي مقابل البورة؟
-...
-شو؟ ما ناوية تصلي ع النبي؟ طيب ليه اللي قبلك كنت ادفعلو ما سألني هالسؤال الأشبهي؟. ماشي اكتبي مقابل بيت خالتي.
-ما بقدر.
-طيب يا امورة.. وين الادارة؟
-منطقة كنيسة مار مخايل
-مقابل شو؟
-….
-ماشي.. تبقي اقرأي الجرايد ايه؟ امانة!
خلوي ؟ بسيطة كتير !!!
محمد حمزة محمد حمزة - 4/20/2015 9:14:01 AM
في المطار وفي يوم من آذار الماضي ماطر وبغزارة طلب مني الضابط اثناء عودتي من سويسرا الوقوف على ( جنب ) لم ؟ لاجواب ... ووقفت وأنا في السادسة والسبعين من عمري لحين مر جميع الركاب المئة والثمانين ... سوري ؟ نعم ... ولم أتيت إلى لبنان : مقيم منذ 56 عاما هل تحمل سند ملكية ...وثيقة زواج ؟ إقامة ؟ - صدرت التعليمات بعد مغادرتي إلى سويسرا ولم أحمل معي شيئا من ذلك فأنا أسافر وأعود دائما وبشكل عادي ...لكنني أحمل دفتر قيادة السيارة ويشير تاريخ الحصول عليه أول مرة للعام 1964 !!! وبالصدفة أيضا إخراج قيد عائلي سوري يثبت أن والدة أبنائي لبنانية !!! - ذلك لايفيد ...وثيقة زواج أو سند تمليك عن مصدر حكومي لبناني... -الساعة قاربت على الواحدة ليلا وأنا أقطن خارج بيروت في بشامون.. -إتصل بأحد من أولادك أو أقاربك ليأتي لك بسند أو وثيقة زواج !!! -كل ذلك والضابطان يشربان القهوة ويحققان مع شخص مصري هنالك تضاربا في تاريخ ميلاده بين جواز سفر مصري وآخر أجنبي كانا في حيازته ...وبعد ساعتين ونصف وعودة إبنتي المنتظرة وصولي وذهابها للمنزل تحت الأمطار الغزيرة وفي الظلام إلى بشامون أتاني الفرج وتأكد الضابط أنني وبعد 56 عاما أقطن في منزل وليس على قارعة الطريق !!!
| انقر للتصويت |
هلق كلكن نازلين سلخ فيها
مجهول - 3/31/2015 1:21:00 PM
هلق كلكن نازلين سلخ فيها للموظفة المعترة اللي ما خصها... لمعلوماتكن انو مش ذنبها للموظفة لانو العملية ما بتسمح تمشي المعاملة بلا ما يتم تعبئة كل الخانات... فالبنت جايي جديد وبعدا ما فاتت بالجو.. لو موظفة قديمة كانت كتبت شو ما كان منها لحالها... بس المعترة جديدة وماشية بحسب خبرتها المتواضعة..
| انقر للتصويت |
لانسة ضحى شمس الرائعة ..!
ali mehdi ali mehdi - 3/17/2015 8:35:03 AM
لانسة ضحى شمس الرائعة ..! اقرأُ لك من فترة طويلة ..وانا معجب بما ينضحُ من قلمِكِ الجميل ..وادعو لك بالشفاء العاجل مِمَّ يُؤلِمُكِ..طرافةُ وخِفَّةُ اسلوبِكِ الساحر ( بنظري أنا ) يقولُ لي أني اقرأ كاتبةَ سيناريو يصلح للاعمال السينمائية والتلفزيونية ..وكوني مثلْت للتلفزيون في منتصفِ ستينيات القرن الماضي وبداية سبعينياته ..اسألُكِ هل حاولْتِ الكتابة في هذا المضمار الذي ادعوكِ الى دخولِك اياه لانّ النَّتاتيف التي قراتها لك تؤكِّد لي ولغيري ..انك كاتبة موهوبة وقد تتفوَّقي على غالبية كُتَّابِ السينما والتلفزيون في لبنان ..!!!
| انقر للتصويت |
استاذ علي..شكرا ع التقييم
مجهول - 3/17/2015 10:34:22 AM
استاذ علي..شكرا ع التقييم والمتابعة. بالحقيقة جربت ان اكتب سيناريو لرحلتي التي قمت بها الى غزة. يعني سيناريو لقصة مصورة عن الرحلة التي كانت بالنسبة لي تاريخية عاطفيا وسياسيا. لكن تبين اني بنت جبانة.. ربما كنت بحاجة لبعض الثقة بالنفس ولكن لا شك اني بحاجة لاتعلم كيف يكتب سيناريو. لكن ممن يتعلم المرء هـا الفن؟ وسؤال في اي اعمال لعبت في الستينيات؟
| انقر للتصويت |
جواز سفر
جمال جبران جمال جبران - 3/14/2015 3:53:31 AM
أنا في مرة يا ست ضحى كنت عايز أستلم حوالة مالية ورحت المكتب وقدّمت جواز سفري . الموظف طلب مني بطاقة شحصية يعني بطاقة الهويّة وأنا مافيش معي. فرفض . ع الرغم من كون جواز السفر أعلى هويّة للتعريف بالفرد داخل بلده أو خارجه. هذا الموقف صار باليمن الشقيق .
| انقر للتصويت |
omt
WASSIM WASSIM - 3/11/2015 9:57:02 AM
انا اقرأ لك لكن لا أشارك كثيرا لكن احببت انا اقول لك ان الموظفين في الOMT "منقايين على الطبلية"
| انقر للتصويت |
ساكن قصادي وأنا معروفش؟
فيصل باشا/برلين فيصل باشا/برلين - 3/10/2015 9:38:39 AM
مقابل ولا حدا مش نايلك يا محدا! عندك حدا يثبت كلامك؟ انو البحر مقابلك، فيك تجبي البحر يعرف عنك بجبلك المختار يعرف عني. هو حدي ساكن قصادي يعني وأنا معرفوش؟ معقول يعني انا أجي ادفع فاتورة هاتف عن حدى هيك؟ طيب بالفواتير السابقة المدفوعة ما كان في شي اسمه مقابل شو! بعدين انا كان مقابلي في معمل كورن فلاكس، بس أتاكل كلوا. وأكيد اكل عقل يلي عامل هيك استمارة!
| انقر للتصويت |
مقابل قهوة حرنكش!
محمد محمد - 3/10/2015 4:01:00 AM
كان ضروري تعذبيها معك للمخلوقة؟! قوليلها حيللا شي! مقابل قهوة حرنكش! مقابل سوبرماركت اللهو الخفي! مقابل مسجد الرجل الأخضر "هالك"، وإذا مو مصدقة خليها هي تروح تتأكد من العنوان بنفسها! يعني هلق إنتي ما عدتي تدفعي فاتورتك ؟ تلفونك صار مجاني ؟! :) هي بتشبه حلقة "ع اليمين" آب من تلفزيون بيروت بلس
| انقر للتصويت |
مقابل ماري منيب
مجهول - 3/10/2015 12:13:45 PM
وحياتك قلتلها.. ما انتبهت؟ قلتلها مقابل بيت خالتي..كنت رح قللها لو تآمرت معي علي هبل اللي عم تقولو انو اكتبي مقابل ماري منيب.. مرة عملتها وعطيت محل اكل صيني اسم ماري هاسكل.. ما بعرف اذا انتبهت بشس مش مهم.. المشكل هوي "باخلاص" الصبية لتفاهة الشركة. يعني يمكن خايفة يشحطوها من الشغل.. او وهيدا الارجح ، كلبنانية اول ما بتنعطى سلطة ولو تافهة متل هاي ..بتصير مستبد زغير وبلا عقل..
| انقر للتصويت |
الاستبداد عند الكل الحمد لله
محمد محمد - 3/11/2015 3:55:27 AM
معك حق! بس مش بس عند اللبنانية، وإنما عند كل الشعوب العربية، الكل بيشترك بهالخصلة "الحميدة". بمجرد ما ياخدوا أي منصب، بحطوا رجل ع رجل وكإنه صار الكون كله بلف حوليهن، وكل الكائنات بدها رضاهن هنن وبس! طبع غريب! شو أصله هيدا ؟! فيروس ؟! متلازمة استبداد ؟! وبالأخير منلوم السياسيين والحكام والنواب والوزرا ... ما هودي جايين من هالشعب! وهيك شعب بدو هيك حكومات! آسف طلعت عن الموضوع... قولك بيسألوه للنايب والوزير والسياسي عن بيته مقابل شو؟ ... قولك السياسي بيدفع فاتورة تلفونه أو تلفون أي حدا من أفراد عيلته من أصلو ؟!
| انقر للتصويت |
أرك دو تريونف
حسين حسين - 3/10/2015 3:16:49 AM
مرة صار معي نفس الشي مع مدير خدمة الزبائن في إحدى المصارف المعروفة و كنت أسكن فرنسا , و لفتح الحساب كان عليه أخذ معلومات شخصية و عنوان السكن و العمل , و بعد أن أعطيته عنوان العمل بادر بالسؤال -شو في شي مشهور حد منه حاولت أن أشرح له أن العنوان المرقم كاف لإيجادي في فرنسا ولكن عبثاً و كان عملي غير بعيد عن ال arc de triomphe فسجل ذلك في خانته ولا أعرف إن كان عرف ما هو ال arc de triomphe أو أنه اعتقده اسم سوبرماركت أو محل سمانة
| انقر للتصويت |
رعب ما بعد الصدمة الكبرى
مجهول - 3/9/2015 9:50:05 PM
الصدمة الكبرى هي انك لا / لم تعطي اي اثبات لمن انت، وبدأت تعطيك كل المعلومات عنك لمجرد انك لفظت رقم تلفون. هذه جهة ليست ثالثة بل رابعة. الثالثة هي الOMT ولا نعلم من هم أولائك الذين يوضعون خلف تلك الكنتوارات.. هذا مرعب جدا...
| انقر للتصويت |
أحسنت
مجهول - 3/31/2015 7:56:23 PM
هذا هو المهم في الموضوع؛ أن الموظفة كرّت كل المعلومات، ولا نعرف إن كانت الموظفة طلبَت منها إثبات هويّة بعد، أم لا. وليس المهم السؤال عن العنوان مقابل شو. كلهم يسألون هذا السؤال، تحصيل حاصل، من المعاملات الرسمية إلى المصرفية إلى مطعم الديليفري.
| انقر للتصويت |
