حكي سرفيسات

في الفان رقم 4 السائق متحدثا الى الراكب بجانبه:

(..)طلعت حدي واحدة هيك سودا ..مناخيرها متل الكوز .. يا الله..متل الشيطان! ما قبلت تطلع الا جنبي. شو بيقول المتل؟ عنزة الجربانة ما بتقبل تشرب الا من راس النبع! والله العظيم شكلها اجلّك متل المعزاية.

وصلنا ع الحاجز اول الضاحية. قلتلو للشب تبع الامنع الحاجز: ليك فتشها هاي. والله، نزّلها وفتشها واخذ اوراقها ورجع ردّلها اياهم. رجعت طلعت..شوية بتلتفت لي وبتقول :انت كيف بتعمل هيك فيني؟ وحياة ولادي متل ما عم قللك. قلت لها (يرفع صوته كأنه يكلمها) شو بدك ولي حيوانة؟ انا بعمل اللي بدي اياه. قومي انقبري انزلي يلعن ريحتك. اقسم بالله لو ردت علي كنت بدي انزل من الفان واسحبها من شعرها ع الارض. هيك شكلها سودا سودا ومتل البقرة. (يسكت قليلا والراكب لا يجيب) هدول يهود هدول. ايه..كيف لكن؟ هني هيك بيعملوا حالن انو اسلام ومسيحية ..بس هني يهود انجاس".
يتوقف بجانبه فان آخر يناديه سائقه. على ما يبدو انه صديقه. فيرد عليه ضاحكا هذه المرة: "شو يا خرا؟"

***

-وين منشوف بعض؟
-ما بعرف..بلكي هون بالمنطقة؟ شي متل قهوة الروضة يعني؟ حلوة المنارة الصبح..
بس بعيدة عليي، وسرفيساتها صعبة وانا ما معي سيارة..
- آآآه صحيح! انت ما معك سيارة. طيب وين بدك؟
- شو بيعرفني. وين هين عليك؟
- انا بيتي ع الروشة يعني صوب شوران بس معي سيارة.
- ما دام معك سيارة تعال. انا ببدارو.. رايقة وفي قهاوي جديدة فاتحة..
- ايه بس عجقة! انو هلق عشرة ونص الصبح؟ بدي ساعتين تأوصل لعندك!
- يا عين! يعني طلعنا متلي متلك بالنهاية! كأنو ما معك سيارة!
-ههههه صحيح والله!
-بس ليك انتبه:انو صحيح متلك متلي بالمحصلة، بس خلينا نقول انو فواتيرنا آخر الشهر مش نفس الشي ما هيك؟ قلتلي مبسوط فيها سيارتك انو آخر موديل وفيها اوبشن وكل شي وزوزة؟ عال. ايه اصمدها .. ليك محلها فوق التلفزيون؟ فرجة!

التعليقات
صورة المستخدم
1500 حرف متبقي
صورة المستخدم

ناهده حاموش لمع ناهده حاموش لمع - 2/18/2015 10:22:18 AM

انا اعيش بالسويد مند 29 عاما وللحق لم اشعر يوما باي عنصريه ظاهرا على الاقل انا لا اصدق ما يحدث في لبنان! تحيه لك استاده ضحى ولمقالاتك الراأعه التي تشعرني بقربي من الوطن تحياتي واحترامي

اضف تعليق جديد
انقر للتصويت
صورة المستخدم
1500 حرف متبقي
صورة المستخدم

سامر سامر - 2/14/2015 7:34:57 PM

صراحة، استفزني كثيرا هذا السائق خصوصا في معرض حديثه عن الفتاة التي سماها "سودة". الهذه الدرجة وصل احتقار الناس؟ لا و فخور بما فعله و باستقوائه على هذه المسكينة.

اضف تعليق جديد
انقر للتصويت
صورة المستخدم
1500 حرف متبقي
صورة المستخدم

فيصل باشا/برلين فيصل باشا/برلين - 2/13/2015 12:06:51 PM

سعيدة يا ضحى سعيدة وبعيدة أف مشوار ساعتين مش كتير بعيد. عم فكر امشي قدام سيارتي وخليها هي تلحقني،او بأخذ تكسي وبركب حدك بالسرفيس وبخلي السيارة بالبيك أب. خلص قررت اعمل بنصيحتك حط السيارة ع الكومودا فوق التلفزيون واكتب فيها قصيدة غزل. بيروت 2000 سوليدار وانتماء وإعمار وطرقات كل الملايين يلي انصرفت ع الطرقات ما قدرت تحل قضية ( العجقة) ببيروت لأنن بالأساس ما كان بيهم القائمين على الموضوع يحلوها، ولأسباب سياسية ما بدهم الناس تتلقي ببعضها بدهم ياهم مفرقين وضائعين ومضيعين وقتهم ع الطرقات. اذا الواحد من هيديك الطائفة بدو يلتقي الصبح ع فنجان قوة مع واحد من هيدي الطائفة ويتناقشوا بموضع بالجريدة بيروحوا ساعتين ع الطرقات او بيروح الشخص بحادث او الطائفة كلها بعاصفة زينة او يوهان او يا بيغرق بالشوارع بالمي. منيح يلي في واتسأب حتى الواحد يتواصل مع اخوه في الوطن. أخت هيك وطن شوارعه كلفت زفت أكثر من الذهب.

اضف تعليق جديد
انقر للتصويت
صورة المستخدم
1500 حرف متبقي
صورة المستخدم

فادي فادي - 2/12/2015 11:58:49 AM

ما بقى في يحطها عالتلفزيون ، كلو صار LCD و LED ...مزهرية ما فيكي تحطي ، كيف سيارة !!!

اضف تعليق جديد
انقر للتصويت
صورة المستخدم
1500 حرف متبقي
صورة المستخدم

حمزة الغازي حمزة الغازي - 2/12/2015 9:16:31 AM

ضحى شمس تكتب...ضعوا أقلامكم جانباً الله يسلمك ويسلم قلمك

اضف تعليق جديد
انقر للتصويت
صورة المستخدم
1500 حرف متبقي
صورة المستخدم

مجهول - 2/12/2015 2:46:46 PM

تسلم يا حلو. مودتي

اضف تعليق جديد
انقر للتصويت
صورة المستخدم
1500 حرف متبقي
صورة المستخدم

مجهول Hoda B مجهول Hoda B - 2/11/2015 9:13:56 PM

قمر يا ضحى! قمااااااار هدى ب

اضف تعليق جديد
انقر للتصويت
صورة المستخدم
1500 حرف متبقي
صورة المستخدم

علي حسين أبو طالب / السويد علي حسين أبو طالب / السويد - 2/11/2015 3:09:55 PM

" هو الذي يصوركم في الأرحام كيف يشاء ", ما لهذا الغافل ينعىَ على هذه المرأة دمامة سَحْنَتها و قد خلق الله الإنسان على صورته و الضمير هنا راجع إلى المخلوق لا إلى الخالق كما يذهب بعض الناس , و الله يوم القيامة ينظر إلى أعمالنا و لا ينظر إلى صورنا , و على هذا السائق البائس أن لا يأمن مكر الله فلربما لا سمح الله تعرض إلى مكروه يشوه صورته أو خرج من نسله خلق مشوه بالخليقة , و هل يريد هذا السائق و من حط على شاكلته أن تكون صور الناس كلهم على صورة نبينا الكريم الذي قال فيه الشاعر الصحابي حسان بن ثابت ؟ : وأجملَ منكَ لم تر قطّ عينٌ *** وأكملَ منكَ لم تلد النساء خُلقت مبرءاً من كل عيبٍ *** كأنك قد خُلقت كما تشاء . ما كنت أريد التعليق لكن أغرتني دعوة السيدة ضحى شمس إليه و كذا صورتها الجميلة مع إبتسامتها التي تنافس صورتها و لا زلت أتذكر تحيتها الطيبة لي كطيبتها على إحدى صفحات جريدة الأخبار الغراء , تحياتي لها و تمنياتي أن تكون الإبتسامة رفيقتها دائماً .

اضف تعليق جديد
انقر للتصويت
صورة المستخدم
1500 حرف متبقي
صورة المستخدم

مجهول - 2/12/2015 2:49:13 PM

يا صديقي ان العيون هي نافذة الروح، وحين تريه عيناه الدمامة في موضع الجمال فإن الدمامة في روحه وتربيته. ماذا تنظر من شخص يخاطب صديقه "شو يا خرا؟ يعني ان كان صديقا ويخاطبه هكذا، فكيف بصبية اثيوبية وحدها في هذا البلد العجيب؟ مودتي الدائمة

اضف تعليق جديد
انقر للتصويت
صورة المستخدم
1500 حرف متبقي
صورة المستخدم

مجهول مجهول - 2/11/2015 8:50:38 AM

الصورة حلوة كتير /قمر

اضف تعليق جديد
انقر للتصويت
صورة المستخدم
1500 حرف متبقي
صورة المستخدم

مجهول - 2/11/2015 3:01:48 AM

صورة كتير موفقة وحلوة. تحية لهل المحيّا الجميل.

اضف تعليق جديد
انقر للتصويت
صورة المستخدم
1500 حرف متبقي
صورة المستخدم

باسل باسل - 2/11/2015 1:18:05 AM

من احلى ما اقرأ في الاخبار مقالاتك.. وكنت اتابعك أيام "السفير" مبروك الصورة الجديدة ودمت بخير

اضف تعليق جديد
انقر للتصويت
صورة المستخدم
1500 حرف متبقي
صورة المستخدم

علام علام - 2/10/2015 8:21:22 PM

ضحى الشمس هل هناك ما يعبر عن اعجابي وتقديري اكثر من اعتبارك عندي كاسمك كم نحتاج لكثير مثلك في هده الاوطان انصتي اكثر فلديكي المنبر

اضف تعليق جديد
انقر للتصويت
صورة المستخدم
1500 حرف متبقي
صورة المستخدم

مجهول - 2/11/2015 12:00:28 PM

شكرا على المتابعة والتقييم .. وشكرا على الكلام الجميل عن الصورة الجديدة..انتو احلى بلا صورة.. مودتي

اضف تعليق جديد
انقر للتصويت
صورة المستخدم
1500 حرف متبقي
شاركونا رأيكم